سن یاریمین قاصدی سن
ایلش، سنه چای دمیشم
خیالینی گوندریب دی
بسکی من آخ وای دمیشم
آخ گجلر یاتمامشام
من سنه لای لای دمیشم
سن یاتالی من گوزومه
اولدوزلاری سای دمیشم
هر گوزلدن بیر گول آلیب
سن گوزله ،پای دمیشم
سنین گون تک باتماغیوی
آی باتانا ،تای دمیشم
ایندی یایا قیش دییرم
سابق قشا ،یای دمیشم
گاه تویووی یاده سالیب
من دلی نای نای دمیشم
سونرا یینه یاسه باتیب
آغلاری های های دمیشم
اتک دولی دریا کیمی
گوز یاشیما،چای دمیشم
عمره سورن، من قره گون
آخ دمیشم، وای دمیشم